Trouvé dans « El Mouchon d’Aunia» n° 4, d’avril 1977 et publié avec la permission de l’auteur :
çu qui fét sè rlouméye
Volèz bi spliqui, l’ami,
pougè ‘qu’on rit toudi d’Carniéres
èt qu’on loume ses djins d’Rascourcis ?
Ca, c’est tout-in istware, compére.
On rit d’Carniéres in pau pou tout,
surtout pou n’sériye d’avantures
qu’on diroût fètes insprès pour nous
èt que d’vas vos conter in msure.
Nos pus vis djins s’souviène-tè co
du balon gonflè à bombones,
qu’on-a pourmènè à barot !
ç’qu’on d-a ri èt conté des bones.
El ci » qu’on n’a nîn seû gonfler
dj’astoûs présint èt djè m’rapèle :
on-âroût dit n’loque à rokter !
I n’a fét qu’in saut squ’al Tchapèle…
El fauve de l’ours èt du drapau
avû s’fameûse mance èrsouyéye :
on d-in fzoût des risées tout waut
à scrène èt dins les-assimbléyes.
A Tous-Vints, ène corale tchantoût
èt vlà l’kiyosse qu’est passè woute ;
on criyoût arvwâr les Binchoûs !
i faloût vir ça qué déroute.
Faut cware què c’ît nîn co assèz;
dj’ai co vu in passant su ‘place
in-ancyin canon à boulèts
atchin.nè su l’trotwâr d’in face.
Sroût-i prèsse pou l’évolucion ?
tout come in mile wit cint èt trinte,
quand l’djambe dé bos avû s’canon
nos-a délivrès in sètimbe ?
Henri DUVAL (Morlanwelz).
CU QUI FET SE RLOUMEYE
Trouvé dans « El Mouchon d’Aunia» n° 4, d’avril 1977 et publié avec la permission de l’auteur : çu qui fét sè rlouméye Volèz bi spliqui, l’ami, pougè ‘qu’on rit toudi d’Carniéres èt qu’on loume ses djins d’Rascourcis ? Ca, c’est tout-in istware, compére. On rit d’Carniéres in pau pou tout, surtout pou n’sériye d’avantures…